Ақсақ қыздың зары - Аяғымай терме

Ай нұрына шомылтып бейне сәнін,
Тәні таза арманның ұғып мәнін.
Бақытсыз бай баласы бағын ашпай,
Сұлу нәзік қорлапты жан мен тәнін.
Еліне Есқараның тәлкек болған,
Ақсақ кыздың жырлайын ақтық әнін.
Әлди әлди аяғым аяғым -ай , аяғым -ай.

Ақсүйектен аңдамай жазым болды,
Жазым болды арманымның назы солды.
Қайтейін жаннан сұлу жаратқанмен,
Билігі жоқ кедейдің күні болды.
Бір сынбаған аяғым екі сынды,
Көре алмаған дұшпанның көңілі толды.

Алғыры емес шарт сынды- ау кең даланың,
Сенен қайтсем опасыз кек аламын.
Бай жыласа қалың берген қарасына,
Қарғысымнан соңғы ақтық дем аламын.
Елі жақсы деуші едім Есқараның,
Малын берші, жылатпай жас баланың.